Two-Finger Test Par Rok, Mandatory Zero FIR! Jharkhand High Court Ne Diye Sakht Nirdesh

Jharkhand High Court ne rape survivors ke protection, rehabilitation aur dignity ko lekar ek aitihasik faisla sunaya hai. Chief Justice M S Sonak aur Justice Rajesh Shankar ki bench ne state government ko sakht nirdesh dete hue 'Two-Finger Test' par poori tarah rok laga di hai aur har mamle mein mandatory Zero FIR register karne ko kaha hai. Court ne samaj ke ravaiye par chinta jatate hue kaha ki kai baar victim ko hi gunahgar ki tarah dekha jata hai, jise badalna zaroori hai. Is video mein janiye High Court ke un bade nirdeshon ke baare mein jo badlenge pura system: Police ko 15 din mein preliminary investigation aur 2 mahine mein poori janch khatam karni hogi. Rape survivors se paida hue bacchon ko Class 12th tak free education aur premier institutes (IIT/NIT/AIIMS) mein scholarship milegi. Police personnel ke liye periodic sensitisation programmes chalaye jayenge. One-Stop Centres ki kamiyon ko door karne ke liye Women-headed committee banayi jayegi.